හොඳයි, ඊලඟට අපි බලමු කීප තැනකදිම අපි කතා වෙච්ච Project Calendar එක ගැන. ඒක හදාගන්න යන්නෙ මෙහෙමයි: Tools -> Change Working Time...
මේකෙ මුළින්ම තියෙන්නේ For calendar: කියලා තැනක්. එතන by default select වෙලා තියෙන්නේ 'Standard (Project Calendar)' කියන එක. ඒ කියන්නේ අපි Standard Calendar එකේ Working Time වෙනස් කරන්න යනවා කියන එක. එතකොට Standard Calendar එකට අපි කරන වෙනස් කම් ඉබේම අපේ project එකට apply වෙනවා, මොකද අපේ project එකේ calendar එක විදිහට Project Information වල තිබුණේ Standard Calendar එක නිසා.
ඒත් අපි හිතමු අපිට අපේ project එකේ නමින්ම අළුත් calendar එකක් හදාගෙන, අපේ නිවාඩු දවස් දාගෙන ඒක අපේ project එකට apply කරගන්න ඕනෙ කියලා. ඒක කරන්නේ ඔන්න මෙහෙමයි. උඩ දකුණු පැත්තෙ කෙළවරේ තියෙනවා නේද Create New Calendar... කියලා button එකක්. අන්න ඒක ක්ලික් කරන්න ඕනේ.
ඔතනදි අපිට පුළුවන් Name: කියන තැන අපේ calendar එකට ඕන නමක් දෙන්න. ඊට අමතරව අපිට තව පුළුවන් අළුතෙන්ම ඔක්කොම නිවාඩු දවස් හදාගෙන අළුත්ම කැලැන්ඩරයක් හදන්න පළවෙනි option එකෙන් (Create new base calendar) ගිහින්. එහෙම නැත්නම්, දෙවෙනි option එකේ (Make a copy of *** calendar) තියෙන calendar එකක් පදනම් කරගෙන අපේ අළුත් කැලැන්ඩරය හදාගන්නත් පුළුවන්. මේකේ by default තිබ්බ විදිහටම Standard Calendar එකේ කොපියක් අරගෙන මම මගේ අළුත් කැලැන්ඩරය හදන්න යන්නම්. එතකොට මට සෙනසුරාදා, ඉරිදා දවස් නිවාඩු විදිහට ඉබේම ලැබෙනවා. මම මගේ කැලැන්ඩරේට නම දෙන්නම් 'My Calendar' කියලා. ඊට පස්සෙ OK.
බලන්න, උඩ For calendar: කියන තැන මාරු උනා 'My Calendar' විදිහට.
දැන් මේ පෙන්නන Calendar එකේ මාස අතර එහා මෙහා යන්න පුළුවන් ඒ ලඟින්ම තියෙන vertical scroll bar එකෙන්. ඉරිදා, සෙනසුරාදා දවස් දැනටම Nonworking විදිහට අළු පාට වෙලා තියෙනවා පේනවනේ.
දැන් ඔන්න මට ඕනේ 2010 සැප්තැම්බර් 15 වෙනිදා නිවාඩු දවසක් කියලා කැලැන්ඩරේ සඳහන් කරන්න. ඒ කියපු දවස උඩ ක්ලික් කරලා බලන්න මොනවද පෙන්නන්නේ කියලා. ඒක දැනට Working day එකක් බවත්, වැඩ කරන වෙලාවලුත් පෙන්නනවා නේද. මේ වැඩ කරන වෙලාවල් වෙනස් කරගන්න ඕනෙනම් යන්න ඕනෙ කැලැන්ඩරේට පහලින් තියෙන ටැබ්ස් දෙකෙන් Work Week කියන ටැබ් එකට. ඒ ගියාම පෙන්නන [Default] කියන පේළිය උඩ මම double click කරනවා.
ඒ ආපු වින්ඩෝ එකේ සඳුදා ඉඳන් සිකුරාදා වෙනකල් දින ටික එක සැරේ සිලෙක්ට් කරගෙන (Shift key එක පාවිච්චි කරලා ඒක කරන්න පුළුවන්), උඩ තියෙන තුන් වෙනි option එක (Set day(s) to these specific working times:) සිලෙක්ට් කරනවා. එතකොට තමයි පහළ කොටු වල තියෙන වෙලාවල් වෙනස් කරගන්න අපිට පුළුවන්කම ලැබෙන්නේ. ඒ දේවල් අපිට ඕන විදිහට හදාගෙන ඕකේ කරන්න.
හරි, දැන් Working Time වෙනස් උනා. ඒත් තාම 15 වෙනිදා නිවාඩු දවසක් කළේ නෑනේ. ඒක කරන්න, 15 වෙනිදා සිලෙක්ට් කරලා පහළ Exceptions ටැබ් එකේ අපි දාන නිවාඩුවට නමක් දෙන්න ඕනේ. මම ටයිප් කරන්නම්කෝ 'Poya Day' කියලා. එහෙම ටයිප් කරලා එන්ටර් කී එක ප්රෙස් කරලා බලන්න.
15 වෙනිදා රතු පාට වෙලා පේන්නේ ඒක තාම සිලෙක්ට් වෙලා තියෙන නිසා. අහකට ක්ලික් කරලා බලන්න, Exception days පෙන්නන ලා නිල් පාටින් 15 වෙනිදා සලකුණු වෙලා ඇති.
තාමත් හැබැයි අපේ WBS එකේ වෙනසක් උනේ නෑ. ඇයි ඒ? හරි. මොකද අපි වෙනස්කම් කළේ අපි හදපු 'My Calendar' එකේ. ඒත් අපේ project එකට apply වෙලා තියෙන්නේ තාමත් Standard Calendar එක. එහෙනම් යමු ඒක මාරු කරන්න ආපහු Project Information වලට: Project -> Project Information...
Calendar: කියන තැන Standard වෙනුවට තෝරන්න දැන් අපි හදපු My Calendar. වින්ඩෝ එක ඕකේ කරන්න.
අපි Working Time වලත් වෙනස්කම් කරපු නිසා තමයි ඔය උඩ ඉඳන්ම changes වෙලා තියෙන්නේ. නැත්තම්, අපි නිවාඩු දවසක් විතරක් දාලා ආවානම් හරියට එතන ඉඳන් විතරක් නිල් පාට වෙලා තියෙන හැටි බලන්න තිබ්බා. Tasks වල Start, Finish dates හොඳට බලන්න. 14 වෙනි .Unique ID එක තියෙන 'Design the Page Navigation' කියන task එකට තමයි ඔය 15 වෙනිදා නිවාඩුව බලපාලා තියෙන්නේ.
ඒ නිවාඩු දවස මේ දකුණු පැත්තේ ගැන්ට් චාර්ට් එකේ අළු පාට වෙලා පෙන්නන්නෙ නැත්තේ මොකද කියලනම් ඇත්තටම මාත් දන්නෙ නෑ. :( ඒත් අපේ ඉස්සරහා පාඩම් වලදී මේ නිවාඩු දවස කොහොමද apply වෙලා තියෙන්නෙ කියලා වඩා පැහැදිලිව බලාගන්න පුළුවන් වෙයි.
